Entrevista á teacher María

Boas, cadrechiñ@s!

Benvidos a un novo episodio de Radio K. Dende polos creativos estivemos argallando algo moi especial, nin máis nin menos que unha entrevista a alguén que forma parte da historia deste cole... Falamos da teacher María, mestra en Cadreche durante moitísimos anos, que este curso non está con nós porque comezou unha nova aventura profesional.

Queredes saber cal é o seu talento? Queredes descubrir como está vivindo esta nova etapa? Que opina da nosa radio?

Pois se queredes coñecer todas estas respostas… non vos podedes perder este incrible episodio de Radio K! Preparade as orellas, subide o volume… e que comece o programa!

Un saúdo, cadrechiñ@s!

 

Entrevista á teacher María 

Máis mochilas viaxeiras

Boas, cadrechiñ@s!

A pesar de que estes días andamos con moitas actividades, as mochilas viaxeiras continuaron o seu curso.

Un saúdo, cadrechiñ@s!

Erik (1º)

Nico (2ºB)

Iago, Ainara e Gael (2ºA)

Abril (3º)

Xabi, Sofía e Leo (5º)

Luki (6º)

Día de Rosalía de Castro

Boas, cadrechiñ@s! 

Hoxe foi un día moi especial para todo o cole, xa que neste 23 de febreiro celebramos o Día de Rosalía de Castro, a maior autora da nosa literatura e símbolo da nosa identidade e da lingua galega.

Arredor das doce, chegamos á Pobra do Caramiñal, onde nos xuntamos no centro da vila cos nosos compañeiros do CEP Salustiano Rey Eiras para renderlle unha fermosa homenaxe a Rosalía.Nun ambiente cheo de emoción e orgullo pola nosa cultura, todos os cadrechiños e cadrechiñas interpretamos a canción “Como chove miudiño”, enchendo a praza de música, sensibilidade e sentimento. Foi un deses momentos que nos lembran a importancia de manter viva a nosa lingua e as nosas tradicións. E finalizamos cantando entre todos o noso himno, "Os pinos", símbolo da unión e

unidade galega.

Despois da actuación, puidemos degustar un riquísimo Caldo de Gloria, inspirado nun dos poemas máis coñecidos de Rosalía, compartindo así poesía, convivencia e sabor galego. Sen dúbida, foi unha xornada moi especial, de aprendizaxe fóra da aula e de orgullo pola nosa cultura. 

Un saúdo, cadrechiñ@s!

Queima do Felipiño de Cadreche!

Boas, cadrechiñ@s!

Hoxe celebramos no noso cole a tradicional queima do Felipiño, un dos momentos máis agardados do Entroido. Toda a familia cadrechiña nos xuntamos para chorar a súa “triste” morte e darlle un último adeus a Felipe.

O noso Felipiño foi levado a ombros por Laura, Andrea, Luki e Pablo, de 6º de EP. Antes da queima, Candela e Iván, tamén de 6º de EP, foron os encargados de ler o seu testamento e as súas últimas vontades, facendo rir a grandes e pequenos coas súas ocorrencias.

Foi un momento moi especial, cheo de tradición, humor e convivencia, que puxo o broche final á celebración do Entroido no noso centro.

Achegámosvos unhas fotos deste divertido e emotivo momento.

Un saúdo, cadrechiñ@s! 

 

Continuamos coas mochilas viaxeiras!

Boas, cadrechiñ@s!

Nestes días todo o cole estivo implicado de cheo na preparación do entroido; non obstante, as mochilas viaxeiras non deixaron de saír. Compartimos convosco unhas imaxes das mesmas.

Un saúdo, cadrechiñ@s!

 

Candela (6º) 

 

Enzo (1º) 

Adri (3ª)

Chega o entroido a Cadreche

 

Boas, cadrechiñ@s!

Como ben sabedes, a próxima semana chega o entroido e dende o cole andamos argallando algo especial para celebralo.

Se vos interesa saber máis sobre esta festividade, como a imos vivir en Cadreche,  incluído o noso Felipiño, non vos podedes perder este fantástico episodio coa profe Alba e con Ainara de 5º.

Agardamos que vos guste.

Un saúdo, cadrechiñ@s!

O entroido 

Día Escolar da non Violencia e da Paz

Bos días, cadrechiñ@s! 

O pasado día 30 de xaneiro celebramos no noso cole o Día Escolar da Non Violencia e da Paz. Para iso, diferentes profes do cole prepararon unha ximcana composta por 6 actividade: A Canción da Paz, un xogo cos pés atados; A Palabra da paz; Foto divertida; Descubrimos palabras e o Quebracabezas. 

A continuación, queremos compartir convosco unhas fotos destas actividades, agardamos que vos gusten. 

Un saúdo, cadrechiñ@s!

                         

               

Entrevista á profe Rocío

Boas, familias!

Despois do parón polo Nadal, Radio K está de volta cunha das vosas seccións preferidas: as entrevistas ao profesorado. Hoxe tivemos o pracer de ter connosco á nosa profe Rocío, de 2ºB. Se queres coñecela un pouco mellor, anímate a escoitar este podcast.

Un saúdo, cadrechiñ@s!

 

                                                                     Entrevista á profe Rocío

Mochilas viaxeiras

Martín F (6º)

Ryan (2ºB)

Catalina (2ºB)

Paula (3º)

Dani (1º)

Ian (3º)

Izan (2ºA)

 Boas familias!

As nosas mochilas continúan en marcha. Achegámosvos unhas fotos.

Un saúdo.

Felices Festas

 

Entrevista ao Profe Alex

 Boas familia:

No día de hoxe, os rapaces de 6° E.P entrevistaron o profe Alex de 6°de E.P na radio K Cadreche,  anímovos a escoitala e así coñecer aos profes do noso colexio...

Entrevista ao Profe Alex 6° E.P

Saída ao noso Concello

 Boas familia:

No día de hoxe, venres 12 de decembro, o primero ciclo de Educación Primaria, tivo unha saída ao Concello da Pobra do Caramiñal, onde coñeceron o seu alcalde e tivemos unha visita polo mercado, alí cantaron e aprenderon o caro que está todo, tanto o peixe como  a carne, pasando pola froita e rematando na charcutería...

 COÑECEMOS O  NOSO CONCELLO